მრია უკრაინულად ოცნებას ნიშნავს. "მრია" უკრაინელი ავიაკონსტრუქტორების მიერ შექმნილი ყველაზე დიდი თვითმფრინავია, რომელიც რუსმა ოკუპანტებმა ააფეთქეს, იმის მიუხედავად, რომ მას არანაირი კავშირი არ ჰქონია საომარ მოქმედებებთან. მაგრამ უკრაინელი ხალხის ოცნებას, რომელიც თავისუფლების, მშვიდობისა და უფრო ლამაზი მომავლის მთავარი შემოქმედია, ამით არაფერი დაკლებია. პირიქით. ფერფლად ქცეულმა "მრიამ" ლამის ფენიქსივით ფრთები გამოისხა და ერთ მუშტად შეკრა ერი მტერზე გამარჯვების მოსაპოვებლად.