‘კაკაბაძე ნამდვილი მწერალია, აკანკალებული ხელებით, გაბერილი გულით’ - რეზო ინანიშვილი, 1991 წელი ‘ყოველი ახალი სახელის შემომატება დიდი სიხარულია ნებისმიერი ქვეყნის ლიტერატურისთვის. ბედნიერებაა, რომ ჩვენს მწერლობას ასეთი თვითმყოფადი ტალანტი შემოემატა’ - ჯემალ აჯიაშვილი, 1997 წელი ‘ირაკლი მოთხრობებს ჟანრული გამოკვეთილობა არც კი გააჩნიათ, მაგრამ ლირიკა - ერთი მხრივ და ფსიქოლოგიზმი - მეორე მხრივ, მისი მწერლური სტილია, რომელიც გხიბლავს და დაუსრულებლად გაბრუნებს თავისკენ.’ - ნატო ციციშვილი, 1997 წელი ‘ირაკლი კაკაბაძის მოთხრობები ნაყოფია ნამდვილი შემოქმედებისა. ყოველი მათგანი დაწერილია შთაგონების კარნახით, არც ერთი მათგანი არ არის ‘გაკეთებული’, ხელოსნური. მე ისინი დიდ სიამოვნებას მანიჭებენ, როგორც ხელოვნების ჭეშმარიტი ქმნილებანი’ - თამაზ ბუაჩიძე, 1998 წელი