ისტორია პოსტ-აპოკალიპტურ სამყაროში ვითარდება. პერსონაჟები იბრძვიან, რომ გადაურჩნენ გამანადგურებელ, რადიაციულ წვიმას, მშიერ მუტანტ მონსტრებსა და სამთავიან ძაღლებს. მათი მიზანი ერთია, სამყაროში სიცოცხლის შენარჩუნება. ასეთ დროს კი გადარჩენისთვის ბრძოლა ყველაზე მძლავრი იარაღია. ტექსტის ძირითადი ნაწილი საქართველოში ვითარდება, ქალაქ მცხეთაში. ადამიანები თავს ძველ ბუნკერებს აფარებენ, რომლებიც მსგავსი შემთხვევებისთვის აშენდა, თუმცა საინტერესო ის არის, გადაიტანს თუ არა ამ კრიტიკულ დღეებს კაცობრიობა. წიგნში შეხვდებით განსხვავებულ დამოკიდებულებებს სამყაროსადმი, რომლებიც სხვადასხვა პერსონაჟის მიერაა წარმოდგენილი. მისტიკური სამყარო არის ის, რაც დამწყებსა და აქტიურ მკითხველს ერთნაირად იზიდავს. ახლა კი თქვენ იპოვეთ პასუხი იმისა, თუ რა ელის კაცობრიობას... "იყავი იმდენად ძლიერი, რომ წახვიდე და იმდენად მომთმენი, რომ აიტანო ის, რაც დაიმსახურე" - ანდრე. ამბავი რამდენიმე ნაწილისგან შედგება. ზემოთ მოცემულ წიგნში მოთხრობილია ტექსტის პირველი ნაწილი.