დითი რონენის, თანამედროვე ებრაელი პოეტის, პოეტურ კრებულში „ხეტიალი“ გაერთიანებულია ლექსები სხვადასხვა დროს გამოცემული კრებულებიდან. დითი რონენის შემოქმედებაში ყველა თემა ავტობიოგრაფიულია, რაც საშუალებას აძლევს მკითხველს გაეცნოს მის მრავალფეროვან სამყაროს, მის არაერთ „ალტერნატიულს მეს“, მოვლენათა განსხვავებულ ხედვას, ეროტიულ განწყობებს, მითიური საწყისის ძიებას. ხაზი უნდა გაესვას იმას, რომ დითი რონენის პოეზიაში მნიშვნელოვანი ადგილი უჭირავს ებრაელი ერის ბედისწერას, საკუთარი სახლის ძიებასა და ჰოლოკოსტის ტრავმას. ის თავისი ერისა თუ ოჯახის (მისი ოჯახი ჰოლოკოსტის მსხვერპლი გახდა) ისტორიას ისე ემოციურად აღწერს, თითქოს თავად ყოფილიყო ყველა მოვლენის მონაწილე. ჰოლოკოსტის შესახებ დაწერილი ლექსებიდან განსაკუთრებით მნიშვნელოვანია ეპიკურიპოემა „პატარაჩიტი“, რომელიც ჰოლოკოსტის მსხვერპლთა ხსოვნის საერთაშორისო დღეს რამდენიმე ქვეყანაში იკითხება. დითი რონენს მინიჭებული აქვს სხვადასხვა საერთაშორისო თუ ნაციონალური ლიტერატურული პრემია. წიგნი თარგმნა და შეადგინა დალილა გოგიამ.