გივი ალხაზიშვილის ახალი პოეტურ კრებული ორი ნაწილისგან შედგება. პირველში შესულია მინიატურული პოეზია, ხოლო მეორეში გამოქვეყნდა “მომავალში გაგზავნილი წერილები ქეთის”. ეს წიგნი მაინც ერთ მთლიანობას წარმოადგენს და ჰქვია “ვრცელი წუთი”.. მინიატურული პოეზია თავს უყრის მრავალი წლის მანძილზე შეგროვილ მცირე ზომის ლექსებს და მათი ქრონოლოგია მოიცავს სამოციანი წლბიდან დღევანდელი რეალობის ჩათვლით. “შენ უნდა გქონდეს ბალახის სიჯიუტე, ხედავ, რამდენი საუკუნეა, თიბავენ და მაინც ამოდის”. აქვეა დაბეჭდილი არაერთი საინტერესო მინიატურა - “დარჩენილს ღმერთის ანაბარა, მყოფნის სიყვარულის ანაბანა.” “ეს ცრემლი ახლა თვალზე უფრო შორს იხედება.”.. ნებისმიერი ასაკის მკითხველი დიდი ინტერესით გაეცნობა ამ წიგნში შეკრებილ მინიატურულ პოეზიას და ქეთისთვის მომავალში გაგზავნილ წერილებს.