გიორგი სოსიაშვილი ქართველი ისტორიკოსი და მწერალი, რამდენიმე პროზაული კრებულისა და არაერთი ისტორიული მონოგრაფიის ავტორია, რომელმაც წინამდებარე კრებულისათვის პრემია ,,საბა“ მიიღო, ნომინაციაში - 2021 წლის საუკეთესო პროზაული კრებული. ოთხი მოთხრობიდან ორი ნაწარმოები - ,,ხეფას ბიჭი“ და ,,ბოთე“ სამაჩაბლოს ტკივილსა და ტრაგედიას ეხმიანება. ავტორი ადამიანების ფიზიკურ და სულიერ მდგომარეობას ეძიებს ტრაგიკული მოვლენების პირობებში და მათი თავგადასავლების თანაგანცდას საოცარი მწერლური ოსტატობით ჰგვრის მკითხველს. დანარჩენი ორი მოთხრობიდან კი - ,,ზღვა და ალუბლები“ თუ ადამიანური ურთიერთობების ნიუანსებზე ჩაგაფიქრებთ, მოთხრობაში - ,,მღვდლის ცოლი“ უკვე რელიგიური და ფილოსოფიური პრობლემები შემოვა, რომლებიც კაცისა და ღმერთის ურთიერთობის რთულ და საინტერესო პრობლემას წამოჭრის მკითხველის წინაშე...