"ამ წიგნში სამი ამბავია, სამივე თითქოს სრულიად განსხვავებული სიუჟეტით, მაგრამ მაინც ერთიანი და მსგავსი. დიახ, ალბათ იკითხავთ, რა საერთო შეიძლება ჰქონდეს არგონავტების შესახებ მითს, სამი ძროხის თავგადასავალსა და გურჯი-ხათუნის სევდიან ამბავს, მაგრამ ვინც წიგნს წაიკითხავს, უმალ გასცემს ამ შეკითხვას პასუხს. და ეს პასუხი საქართველოა. წიგნის ყველა პერსონაჟის გამაერთიანებელი სწორედ ჩვენი ქვეყანაა. და განა მარტო წიგნის პერსონაჟების? თითოეულ ჩვენგანსაც, სრულიად განსხვავებულ ადამიანებს, ხომ სამშობლო გვაერთიანებს. ჰოდა, ჩავსხდეთ არგოში, ავედევნოთ ზილოს, ზუზუსა და ზიას, გავხდეთ გურჯი-ხათუნის მესაიდუმლენი - წინ დაუვიწყარი მოგზაურობა გველის!"