პაპის ლექსები პაპის ხმაა. ხმათა საცავში გადამალული. კრებული პირველი ცდაა პაპის ხმის გაგონებისა. ლექსები პაპის ხმათა პირველი კრებულია. პირველი წიგნი ისტორიაა პაპისა და მეფის სიყვარულისა. პაპის ლექსები პირველი ცდაა პაპის ხმის ლექსად გადმოცემისა. პირველი ცდაა დაფარული ისტორიის გაცოცხლებისა. პირველი წიგნით პაპამ გვიამბო ისტორია მეფე თამარის დროისა. პირველი წიგნით რუსთველმა გაგვიმხილა თავისი სახელი. თურმე რუსთველი დიდი მოღვაწე ყოფილა. თურმე თამარის როლი გადამწყვეტია პოეტის ბიოგრაფიაში. პირველი ქორწინება მეფისთვის უიღბლო ყოფილა. მერე თვითონვე უზრუნია მომავალი საქმროს შესარჩევად. მეფეს არ დაურღვევია სამეფო კანონები, დარჩენილა თავისი და სამეფოს ბედის განმკარგავი. სამეფოს კანონები კრძალავდა ქმრად ქართველი დიდგვაროვანის არჩევას.დაუცვია კანონი. "ქმრად" უცხო უფლისწული აურჩევია. მეფის რჩეული თავიდანვე რუსთველი ყოფილა. უპოვია გამოსავალი: ჩუმად წასულა პატარა ტაძარსა ხიხანისა,დაუწერია ჯვარი,ნიშნად უფლის მორჩილებისა,ძლევამოსილი მეფის მტკიცე ნებისა. პოეტი ბოლომდე ერთგული დარჩენილა მისივე რჩეულისა. პაპის ლექსების ხოტბაა, მეფე თამარისა. პაპის ლექსები წინაპართა კვალია, მოდგმისათვის გადამალული. პაპის ლექსები პაპის ხმაა, ჩვენამდე მოღწეული. პაპის ლექსები ხმაა ჩვენი წინაპარისა. წინაპარი ჩვენივე პაპაა. პაპის ლექსები დასტურია დაუშრეტელი ენერგიისა. პაპის ლექსები ახალი გზაა შემეცნებისა. მომიტევოს უფალმა, თუ საკადრისად ვერ შევძელი პაპის ხმის მოტანა ჩემი ცოდვილის ხელითა.