„გზა საკურთხევლისკენ“ ხანში შესული ლენდონ კარტერის მიერ მოთხრობილი ისტორიაა. ლენდონი იხსენებს ორმოცი წლის წინანდელ ამბავს, რომელმაც პატარა სამხრეთულ ქალაქში მცხოვრები ჩვიდმეტი წლის ბიჭის ცხოვრება სამუდამოდ შეცვალა. თანამედროვე ამერიკელი მწერლის, ნიკოლას სპარქსის რომანი „გზა საკურთხევლისკენ“ 1999 წელს გამოქვეყნდა და გამოსვლისთანავე ბესტსელერად იქცა. რამდენიმე წლის შემდეგ ნაწარმოების მიხედვით გადაიღეს ფილმი A WALK TO REMEMBER, რომელიც რომანზე არანაკლებ პოპულარულია.