ეს წიგნი, "სადღაც ჩაძირული გემებია", წარმოადგენს ავტორის პირველ პოეტურ კრებულს. იგი დღის სინათლეზე 2023 წელს გამოჩნდა და მაშინვე მოხვდა, საქართველოში ყველაზე პრესტიჟული ლიტერატურული პრემიის, "საბა 2023"_ის ფინალურ ეტაპზე, ნომინაციაში "წლის საუკეთესო დებიუტი". კრებულში შესულ ლექსებს თან სდევთ ტკბილი კაეშანი და ირონია და უმეტესი მათგანი სამყაროს ფუნქციონირების გასაღებს ეძებს. ამ ლექსებს არ ახასიათებთ მჭექარე პათოსი და თავად ავტორის სიტყვებითაც რომ ვთქვათ, ეს უფრო მსხვერპლის პოეზიაა.