მშვენიერი საიჰანბა

მოწოდება საიჰანბაში გასამგზავრებლად ნახევარ საუკუნეზე მეტი ხნის წინ გაისმა. 1962 წლის სექტემბერში 369 ახლად სასწავლებელდამთავრებული, გულანთებული ახალგაზრდა, დიდი მიზნებით, ხებეის პროვინციის უკიდურესი ჩრდილოეთისკენ დაიძრა და 1900 მეტრის სიმაღლეზე, საიჰანბას მთიანეთში დასახლდა. 57 წლიანი ურთულესი ბრძოლისა და მუხლჩაუხრელი შრომის შედეგად, საიჰანბამ აღიდგინა დაკარგული დიდება: ვრცელი უდაბნო, სადაც ცას ქვიშის ღრუბლები ფარავდა და ჩიტებს ჩამოსასხდომად ხეების დანახვაც კი არ შეეძლოთ – 74 704 ჰექტარზე გადაჭიმულ, ადამიანის ხელით შექმნილ უზარმაზარ მწვანე ოკეანედ იქცა და დღეს ისევ კამკამა მდინარეების, ქათქათა ღრუბლების, ტყეების, ყვავილებისა და ფრინველთა ზღაპრული მიწაა. საიჰანბა – სამი თაობის მეტყევეთა გამარჯვება დაუღალავ ბრძოლაში: ეული ხიდან – უკიდეგანო, ადამიანის ხელქმნილ მწვანე ოკეანემდე, კაცობრიობის ისტორიული მნიშვნელობის ეკოლოგიური სასწაული.