ულრიხ ბეკის "რა არის გლობალიზაცია?" იმითაც არის საინტერესო, რომ ავტორი, რომელიც შესანიშნავად აცნობიერებს გლობალიზაციის გარდუვალობას, ამავე დროს ცდილობს იპოვოს მასში ქვეყნის უნიკალობის შენარჩუნების რესურსი. ასეთ ძიებას გლობალიზაციის რეფლექსია ემოციურიდან რაციონალურ სიბრტყეში გადაჰყავს, რაც უაღრესად საჭიროა ჩვენთვის. წიგნის კითხვის დროს ხშირად გაგიჩნდებათ განცდა, რომ ავტორი დღევანდელი საქართველოს პრობლემებზე ლაპარაკობს. ეს ასეც არის - დღეს გლობალიზაცია საქართველოს პრობლემაცაა. ამიტომ, აუცილებელია, რომ ქართული საზოგადოებრიობაც ჩაერთოს მსოფლიოსთვის აქტუალური ამ საკითხის გააზრებასა და გადაჭრაში. ამ პროცესს დიდად შეუწყობს ხელს ულრიხ ბეკის მონოგრაფიის “რა არის გლობალიზაცია” გამოჩენა წიგნის თაროზე, რისთვისაც საზოგადოება უდავოდ იქნება მისი მთარგმნელისა და გამომცემლის მადლიერი. 
 დოცენტი რამაზ საყვარელიძე