ფრედი მერკური (Freddie Mercury) როკერი -ფეირვერკი მე არ გავხდები ვარსკვლავი, მე ვიქნები ლეგენდა“ თითქოს ციდან ჩამოვარდა და ლონდონის ბოჰემას შეერია მოხდენილი და მომხიბლავი, თხელი და დახვეწილი აღნაგობის, (74კგ.) საშუალო სიმაღლის (1.75) მორცხვი ბიჭი ბრჭყვიალა თაფლისფერი თვალებით, ხან ოდნავი ირონია ერევა ღიმილს, უზომოდ მომხიბვლელია და იცის ეს. ლაპარაკობს დახვეწილი ინგლისურით, მანერები არისტოკრატული აქვს, ჩაის ჭიქა ისე უჭირავს თითქოს ბუკინგემის სასახლეში მიღებაზეა, ჟესტიკულაცია ელიტური წრეების შესაფერისი, განათლების დონე შთამბეჭდავია, ყოფით წვრილმანებში მიამიტია და გამოუცდელი(მაგ. შეიძლება ვერ მოიმზადოს ჩაი). და ის იმაზე მეტად გამოიყურება ბრიტანელად ვიდრე ნებისმიერი სხვა. ხან როდესაც ვინმე იტყვის რომ ის სპარსი ემიგრანტების შვილია, გაოცებული მსმენელი კითხულობს „რას ლაპარაკობთ?“. მას ბრიტანელად თვლიან. - ეს ფრედია. განსხვავებულია და ყველგან ამჩნევენ. და ეს ცოტა უცნაური ბიჭი, რომელიც თავის თავში საკმაოდ თავდაჯერებულია და მართლაც დიდ ტალანტს ფლობს, Queen-ის მამოძრავებელ ძალად იქცევა. ახლაც კი, როდესაც ის ფიზიკურად არ არის მათთან, ის მათი შეუდარებელი და უცვლელი ფრონტმენია, მეტიც კი, ის მათი წარმატების საწინდარია ისევ. “ვერაფერი შეუშლიდა ხელს ფრედის, მიეღწია იმისთვის რისი მიღწევაც სურდა. ჩვენ რაღაცნაირად ხალხის მასიამოვნებლები ვართ და ვფიქრობთ რომ ვიღაცას შეიძლება არ მოეწონოს ის, რასაც ვაკეთებთ. აი ფრედი არსოდეს ყოფილა ასეთი. ყოველთვის ამბობდა“მე მინდა ამის გაკეთება, თუ შენ ეს არ გინდა, გზიდან ჩამომეცალე“. შეიძლება ბევრს ეს უხეშობად მიაჩნდეს, მაგრამ ფრედიმ მიაღწია იმას, რაზეც იყო ფოკუსირებული და ჰქონდა საოცარი რწმენა, რომ გააკეთებდა. რა თქმა უნდა მისი ფანტასტიური ხმა, მართლაც ღვთის საჩუქარი იყო.“ –( Brian May, BBC Radio Interview)