მოციქულთა საქმეების მეორე ნაწილი მოგვითხობს ოთხივე სამოციქულო მოგზაურობაზე: პირველი სამისიონერო მოგზაურობა აღწერილია XIII - XIV თავებში; მეორე: XV - XVIII თავებში; მესამე: XIX - XXI თავებში; მეოთხე: XXII - XXVIII თავებში. წიგნში მოთხრობილია სახარების გავრცელების უმნიშვნელოვანი მოვლენები, ეს ისტორიული ქალაქები დღესაც არის შემორჩენილი თურქეთის ტერიტორიაზე, ასევე მაკედონიისა და აქაიას ტერიტორიაზეც. მაგალითად ქალაქი დერბე, ლისტრა, იკონია, ლაოდიკია, კოლასე, ჰიეროპოლი, ნეაპოლი, ფილიპე, ამპიფოლისი, თესალონიკი, ბეროა, ათენი, რომი, ლიკიის მირა, პისიდიის ანტიოქია - დღევანდელი yalvach თურქეთის ტერიტორიაზე, ასევე ეფესო დღევადელი selchuk; მოგზაურობები გალატიაში, ფრიგიაში, პაფლაგონიაში, ასიაში, ლიკიაში, პამფილიის პერგაში, ფრიგიაში, ლიკაონიაში, ასიის დროაში, ლიდიაში, კარიაში, აღწერილია ამ ოთხივე სამოციქულო მოგზაურობაში და შეიცავს ძალიან მნიშვნელოვან ინფომარციებს სახარების გავრცელების საქმიანობაში, რაც ძალიან მნიშვნელოვანია ქრისტეს ეკლესიის წევრებისათვის სულიერ აღმშენებლობის საქმეში.