წინასიტყვაობა გამარჯობა ძვირფასო მკითხველო. რადგან შენ დაინტერესდი აღნიშნული წიგნით, ეს იმას ნიშნავს, რომ შენ ნამდვილად დაფიქრდი შენს ფინანსურ მდგომრეობაზე, რადგან აღარ გაკმაყოფილებს ის ვითარება რომელშიც შენ ახლა იმყოფები და გსურს მისი გაუმჯობესება. ამისთვის კი, პირველ რიგში აუცილებელია, რომ გაერკვე ისეთ მნიშვნელოვან საკითხში როგორიც არის, საკუთარი „ ფინანსების “ სწორად მართვის ხელოვნება (განსაკუთრებით „ ინვესტიციების სამყარო “ და ზოგადად „ ინვესტირების არსი “ ). ეს წიგნი ნამდვილად სწორი არჩევანია, რადგან ის დაგეხმარება არა მხოლოდ გადადგა პირველი და შემდგომი ნაბიჯები შენი „ ფინანსური წიგნიერების “ * ამაღლების და საკუთარი „ ფინანსების “ სწორად მართვის საქმეში. არამედ ასევე დაგეხმარება მეტად სიღრმისეულად შეისწავლო (და შემდეგ უკვე გამოიყენო, საქართველოში და არა მხოლოდ საქართველოში ხელმისაწვდომი), ძალიან საინტერესო „ საინვესტიციო პროდუქტები “ და ზოგადად გაერკვე „ ინვესტირების “ არსში. ეს წიგნი ნადვლილად აგიმაღლებს „ მოტივაციას “ , იარო „ ფინანსური “ კეთილდღეობის გზით, რადგან მეტად გაგიადვილებს „ ინვესტიციების სამყაროში “ ორიენტირებას.
ყველანი ვთანხმდებით იმაზე, რომ ფულის შოვნა როგორც წესი, საკმაოდ რთული პროცესია.
გაცილებით რთულია მისი დიდი ხნით შენარჩუნება და მითუმეტეს სწორად დაბანდება და შესაბამისად გამრავლება. სამწუხაროდ ადამიანების უდიდესი ნაწილი, არც არასოდეს დაფიქრებულა მსგავს საკითხებზე. ისინი თავისი შრომით და გარჯით ნაშოვნ ფულს ისე მარტივად და უმეტესწილად „ უმიზნოდ “ ხარჯავენ (ყოველდღიურად), რომ ბოლოს ყოველთვის უკვირთ ხოლმე, თუ სად და როგორ გაიხარჯა ამდენი ფული. ალბათ შემიძლია ვივარაუდო, რომ ეს სიტუაცია შენთვისაც კარგად ნაცნობია.
მეორეს მხვრივ, როგორ უნდა დაიჯერო ის, რომ ადამიანები შეგნებულად ჩადიან ამგვარ ქმედებას და ხშირად, რბილად რომ ვთქვათ, დაუფიქრებლად ხარჯავენ მთელს თავის შემოსავალს ისე, რომ მათ საერთოდ არ რჩებათ „ თავისუფალი “ თანხები, სხვა მეტად საინტერესო სურვილების ასასრულებლად ან თუნდაც ე.წ. „ შავი დღისთვის “ ფულის გადასადებად.
გაგიკვირდება თუ ვიტყვი იმას, რომ უმეტესწილად ეს სულაც არ არის ამ ადამიანების ბრალი.
ყველაფერი კი გაცილებით მარტივია და მხოლოდ სწორი „ ფინანსური აზროვნებისა “ და „ ფინანსური წიგნიერების “ ნაკლებობით არის განპირობებული. ამ ადამიანების უმრავლესობამ არც კი იცის ან უბრალოდ არ დაფიქრებულა იმაზე, თუ როგორ და რატომ უნდა მართონ საკუთარი და საკუთარი ოჯახის შემოსავლები. როგორ შეამცირონ ხარჯები და ზოგადად აკონტროლონ საკუთარი და შესაბამისად ოჯახის „ ფინანსები “ .
იმის გათვალისწინებით, რომ სკოლაში, კოლეჯში, შემდეგ უკვე უნივერსიტეტში. ჩვენ ყველანი ვიღებთ საკმაოდ მრავალფეროვან, თუმცა ზოგად და ყოველდღიურ ცხოვრებაში უმეტესწილად „ გამოუსადეგარ “ ცოდნას და გამოცდილებას, ეს სულაც არ არის გასაკვირი. ამიტომ ვფიქრობ, რომ ადამიანის „ სწავლების “ ყველა ეტაპზე (იქნება ეს „ სკოლა “ თუ „ კოლეჯი “ და ა.შ.). „ ზოგადი “ და თუნდაც „ ვიწრო-სპეციალიზირებული “ განათლების სასწავლო პროგრამაში შემავალ საკითხებთან ერთად. ასევე აუცილებლად უნდა ისწავლებოდეს (ყოველდრიურ ცხოვრებაში მეტად გამოყენებადი) „ პირადი ფინანსების მართვას “ და „ სწორ ფინანსურ აზროვნებას “ მიძღვნიული საკითხებიც.
აქვე არ შემიძლია რომ არ ვახსენო, ჩვენს ქვეყანაში ბოლო დროს, ამ მხვრივ მიმდინარე „ პოზიტიური “ ცვლილებები და ტენდენციები. მაგალითად, „ სასკოლო განათლების “ პროგრამაში დამატებული „ ფინანსური განათლების “ საკითხები და უკვე საკმაოდ ბევრ სკოლაში დანერგილი „ ფინანსური განათლების “ გაკვეთილები. ასევე ზოგადად, მოსახლეობის „ ფინანსური წიგნიერების “ დონის ამაღლებას მიძღვნილი და „ ფინანსური განათლების “ მიღებაზე ორიენტირებული აქტივობები (მაგალითად, „ ფინანსური ცნობიერების “ ამაღლებას მიძღვნილი „ ლექცია-სემინარები “ , კონკურსები. საგანმანათლებლო ინტერნეტ რესურსები, საიტები და ა.შ.).
კიდევ უფრო მეტად სასიამოვნოა ის ფაქტი, რომ ამ ყველაფრის „ ინიციატორები “ და როგორც წესი „ ორგანიზატორები “ არიან ისეთი მნიშვნელოვანი ინსტიტუტები, როგორიცაა: „ საქართველოს ეროვნული ბანკი “ , განათლების სამინისტრო და არაერთი პარტნიორი ორგანიზაცია და ბანკი.
გარდა ამისა მრავალ ოჯახში (ხშირ შემთხვევაში), „ ფულთან “ და „ ფინანსებთან “ დაკავშირებული თემა. საკმაოდ ნეგატიურ „ ემოციებთანაა “ დაკავშირებული და ჯერ კიდევ ერთგვარად ტაბუირებულია. ასეთ ოჯახებში, „ ფულის “ თემა როგორც წესი, ძალიან პრიმიტიული, „ საყოფაცხოვრებო “ დონის კონკრეტული საკითხებით შემოიფარგლება.
ამგვარ ვითარებაში, სწორი „ ფინანსური აზროვნების “ ჩამოსაყალიბებლად საჭირო, „ ფინანსური განათლების
