რპოზა-პოეზიის კრებულში "სულიერების კვალდაკვალ..." წარმოდგენილი შემოქმედება თემატურად მრავალფეროვანია. უსაზღვროა და ჩარჩოებში არ ჯდება ხელოვნება, არ ემორჩილება წესებს და კანონებს, იგი იწერება ისე, როგორც გრძნობს ადამიანი, ფიქრობს, მსჯელობს, ბაასობს ზეციურ ძალთან და მოუხმობს უფალს. აქ წარმოდგენილ ადამიანთა სულიერი სამყარო ხელისგულივით იშლება და ღელავს ბობოქარი ზღვის ტალღებივით; აქ არის სინათლე და მზე, მორალი და ზნეობა. ისტორია და სიწმინდე, ინფორმაცია სიწმინდეების შესახებ. აქ განფენილია ადამიანის სულიერი სამყარო, რომელსაც მიყავხარ თავისი სიღრმეებისკენ, საგანძურისკენ, ჭვრეტისკენ, გხდის საკუთარი სამყაროს თანაზიარს. კრებულში წარმოდგენილია პოეტ ლია რუსიაშვილის,რომან ელიოზაშცილის, მერაბ ფირცხალაიშვილის,ელისო ბუშელაშვილის, გიორგი ზუბიტაშვილის, ლია გიგიტაშვილის, ნანა გოგაშვილის, ბეჟან კობიაშვილის, იზოლდა იოსებიანის შემოქმედება.;დეკანოზი ბენიამინ ჩიხორლიშვილის წერილი წმიდანების შესახებ, იოანე ქართველის მინიატურული ჩანახატები, მერაბ ფირცხალაიშვილის მინიატურები, ეკატერინე ავაზაშვილის მოთხრობა.