პირველი მოქმედება ამბები:
დედა
მეძავი
სინდრომი
ცხოველური სიყვარული
მოქმედება დაწერილია ოთხი მსახიობისთვის
მეძავი 1 იშვიათია კარგი სექსპარტნიორი, კაცი, მამრი, მტყვნელი. ინგლისურად ცუდად ლაპარაკობდა. არ ვიცი, საიდან იყო, არაბი იქნებოდა ან ებრაელი. ეს რაც ერთი შეხედვით შემეძლო დამედგინა. ვერ მიმახვედრა, რა უნდოდა. ხან როგორ დამაყენა, ხან როგორ დამაწვინა, ვერაფერი მოახერხა. ძალიან მაწვალა. ბოლოს, ფეხი მატკინა და გავაჩერე. ვიცი, უნდოდა, რომ შთაბეჭდილება მოეხდინა, მაგრამ დანახვისთანავე მივხვდი, რომ ვერაფერს შეძლებდა. ბევრი შემხვედრია ასეთი, საცოდავი, უბედური. ერთი გამოხედვა კმარა და ზუსტად ვიცი, შევძლებ თუ არა მასთან გათავებას. გაბრაზდა, რომ გავაჩერე, აღშფოთდა. თითებს ხელისგულზე ისვამდა და მანი-მანიო, გაიძახოდა. ჩემი ფულის საზღაური უნდა მივიღოო. მე რაც შემეძლო ვცადე, მაგრამ შფოთს და ნერვიულობას მისი ერექცია შეეწირა და გადავწყვიტე, აღარ მეწვალა. ფულზე ვისაც თავიდან ელაპარაკე, ისევ მასთან გაარჩიე-თქო, ვუთხარი და წამოვედი.
დედა 1 ტანსაცმელი, ძალიან ბევრი არ შეყარო. ჩაყარე ფხვნილი. ბევრი არც ეს მოგივიდეს.შემდეგ დააყენე შესაბამის რეჟიმზე. შენს შემთხვევაში ალბათ ამ რეჟიმის გარდა სხვაარც დაგჭირდება. მხოლოდ საცვლები შეგიძლია დარეცხო სხვა რეჟიმით. აი, ამით.ბოლოს დააჭირე სტარტს და როცა გაითიშება, გაფენ და მორჩა. თუ რამე, არ მოგერიდოს,დამიძახე. ისწავლი, ადვილია. რა ქნას? უცხო ქალაქშია. წარმომიდგენია, როგორიდაბნეული და შეშინებულია. აქამდე ხომ დედა უკეთებდა ყველაფერს და ახლა, უცებ,თავს უნდა მიხედოს. კარგი ბიჭია. მართლა ძალიან გამიმართლა. განცხადებაზეგოგონებიც გამომეხმაურნენ, მაგრამ ბიჭი ვარჩიე. ბინასაც უფრო მივხედავ ასე და რა ვიცი, ბიჭები უფრო ადვილი მისახედები არიან ამ ასაკში. მეც დედა ვარ დაპასუხისმგებლობას ვგრძნობ. სტუდენტ გოგოზე, წარმომიდგენია, როგორვინერვიულებდი.
ცხოველური სიყვარული 1 რა მცირე მანძილია ჩვენ შორის ახლა. ხელის გაწვდენაც საკმარისია, სახეზე რომ შეგეხო. ირგვლივ ბევრი ხალხია. მათი გაშმაგებული შეძახილები მესმის. ვიდრე დაგვაშორებენ, ვიდრე შენგან შორს წამათრევენ, მინდა, რომ კარგად დაგიმახსოვრო, შენთან სიახლოვე მინდა ვიგრძნო. უცებ, შენ ღრმად ისუნთქავ ჰაერს, აღებ პირს და ღრიალებ ისეთი ძალით, ისე შემზარავად, რომ დრო ჩერდება და ქრება. გარშემო ყველაფერი ჩუმდება. უკვე აღარაფრის მეშინია. აღარ მეშინია. შენ ჩემი მისამართით ღრიალებ, ჩემ გამო ღრიალებ. ასე არასოდეს უყვირია ჩემთვის არავის. სახეზე შენი სუნთქვის სიმყრალე მეფრქვევა, მთელი სხეული მეკუმშება და ჩემი საშოდან უწყვეტ ნაკადად იღვრება მდუღარე. ფეხები, წინდები და ფეხსაცმელი მთლიანად მისველდება. ორთქლი ამდის სველი ბარძაყებიდან და როცა მკლავში ხელს მავლებენ და მთელი ძალით შენგან შორს მისვრიან, თვალები მიბნელდება.
სინდრომი 1 “ათასი მადლობა თქვენ! თქვენ ჩემი ბიჭის ცხოვრება შეცვალეთ.” ეს რამ მათქმევინა? ეს იგივეა, გეგმური აცრის შემდეგ პედიატრს უთხრა, თქვენ ჩემი შვილის ცხოვრება შეცვალეთ. ან ეს გაუთავებელი მადლობები რა იყო? “თქვენ ვერ წარმოიდგენთ, რას ნიშნავს ეს ჩვენთვის, ჩემთვის, მამამისისთვის, მისი დებისთვის. დიახ, ორი და ჰყავს, უფროსები. ყველაფერზე ილაპარაკა უკვე, არა?” ენას არასოდეს აჩერებსო. სულ თქვენზე ლაპარაკობსო. სულ თქვენს ქებაშიაო. დედა ყველაზე ლამაზიაო. დედას ვუყვარვარ და მეც ძალიან მიყვარსო. მრცხვენია ამ ახალგაზრდა კაცის წინ ტირილის. ჩემი განსხვავებული, ჩემი განსაკუთრებული შვილი... “თქვენ არ იცით, ბოლო დღეებია ოჯახში ყველას ღიმილი გვადგას სახეზე. ენას არც სახლში აჩერებს. ოთახებში გადარეული დარბის. თავისი დახატული ძაღლი უკვე მთელ სამეზობლოს აჩვენა.” ჩემი შვილის ცხოვრებაში, უცებ, რაღაც ძალიან მნიშვნელოვანი ხდება. მე ბოლომდე არ მაქვს გაცნობიერებული ამის მნიშვნელობა, მაგრამ უკვე ვხედავ, რომ ეს ასეა. “რაც თქვენ სკოლაში მოხვედით, ბავშვი მთლიანად შეიცვალა... შეგაწუხეთ ჩემი ცრემლებით.” დედა ყველაზე ლამაზიაო, თურმე ეუბნება. “რომ დაგინახეთ, მშობელი მეგონეთ. არ ვიცი, რატომღაც, ასაკოვან ქალს ველოდი და უცებ ახალგაზრდა მამაკაცი შემრჩით ხელში. უკაცრავად. თქვენ ალბათ ჩემზე უმცროსიც ხართ.” საკმარისია, აჯობებს გავეცალო, ვიდრე უარესი სისულელეები მითქვამს. მე მხოლოდ გასაცნობად და მადლიერების გამოსახატავად მოვედი. რატომ გადმოვყარე ცრემლები? “თქვენ ჩემი ბიჭის სიცოცხლე შეცვალეთ!”
მეძავი 2 ასეთი მეგობრები, ხელზე კოცნით რომ მესალმებიან, ბევრი ჰყავს ჩემს მეუღლეს. ჩვენი სახლი მათთვის შეხვედრების და საქმიანი საუბრების ძირითადი ადგილია. ხშირად კამათობენ. ბევრს ეწევიან. ჩემი მეუღლე ყოველთვის აქტიურობს. მე ისე ვუმასპინძლდები, როგორც ჩვენს ოჯახს შეეფერება. მათი საუბარი, ცხადია, მესმის. მათი გეგმების შესახებაც ყველაფერი ვიცი. ჩემს ქმარს უყვარს ჩემთან თავის საქმეებზე ლაპარაკი. ამჯერად მორიგი დიდი კრედიტის აღებაზე მსჯელობდნენ. ვფიქრობ, ძალიან სარისკოა მათთვის ახლა ახალი კრედიტის აღება. მითუმეტეს, როცა ფინანსური რესურსის მოძიების სხვა გზაც ბევრი აქვთ. სამწუხაროდ, აკვიატებულ, რომანტიკულ შეხედულებებს ვერ ელევიან და ნაკლები რისკის შემცველ
