დაჩა მარაინი რომანში „გოგონა და მესიზმრე კაცი“ კვლავ ისეთ პრობლემას წამოჭრის, რომელზე ლაპარაკსაც ადამიანები, ჩვეულებრივ, გაურბიან ანდა ამჯობინებენ, გვერდი მრავალმნიშვნელოვანი დუმილით აუარონ. არადა, ბავშვთა პროსტიტუციის საკითხი თანამედროვე მონათმფლობელობის უმძიმეს ფორმას წარმოადგენს და დღევანდელი მსოფლიოს ერთ-ერთი ჭირია. მწერალი მოურიდებლად, უშიშრად გვიყვება ამ პრობლემის არაერთ ასპექტზე და არაჩვეულებრივი ლიტერატურული ოსტატობის წყალობით რომანს, რომელიც მოსალოდნელი იყო, რომ ჟურნალისტიკის ჩარჩოებს ვერ გასცილებოდა, დიდი ლიტერატურის მრავალშრიან, წინააღმდეგობრივი შუქ-ჩრდილებით სავსე, დაუვიწყარ ნიმუშად გადააქცევს.