სელია აჰავა თანამედროვე ფინელი მწერალია. 2010 წელს მან დაამთავრა ჰელსინკის თეატრალური აკადემია, შემდეგ ხუთი წელი ცხოვრობდა ლონდონში. ფინეთში დაბრუნებისას დაიწყო სამწერლო მოღვაწეობა. წერს რომანებს, ფილმების, ტელესერიალების სცენარებს, რადიოპიესებს, განსაკუთრებულ ტექსტებს ალბომებისთვის, თანამედროვე ხელოვნების პერფორმანსებისთვის. დაწერილი აქვს სამი რომანი და სამივემ დიდი მოწონება დაიმსახურა ფინეთის ლიტერატურულ წრეებში. რომანისთვის “ციდან ჩამოვარდნილი საგნები” 2016 წელს სელია აჰავამ მიიღო ევროკავშირის ლიტერატურული პრემია.