"მცირე და მოკრძალებული შეფასების გასაკეთებლად გადმომიგზავნეს ნათია ხადურის ლექსების გარკვეული ნაწილი. პირველ რიგში აღვნიშნავ შეფასების თავისებურებას, რაც გამოიხატება შემფასებლის ძალაუნებური დამოკიდებულებით გენიოსი კლასიკოსი პოეტების ლექსებისგან მიღებული შთაბეჭდილებებით. ამ ფონზე მანცვიფრებს მშვენიერი თანამედროვე ავტორის ჩანაფიქრის სიღრმე და აზრის გაბედულება, თან ეს ყოველივე მრავალფეროვანია და ორ სხვადასხვა ლექსშიც კი არ მეორდება. ლექსები მრავალ თემას ეხება და მათი გაცნობისას თითქოს ახლებურად გიყვარდება სამშობლო, ადამიანი, ღმერთი, ოჯახი, ზოგადად ქართული სული. მიკვირს კიდეც, როგორ იტევს ახალგაზრდა ქალბატონი ამდენ სულიერ სიმდიდრეს და შინაგან ვნებათაღელვას. დასაფასებელია ნათია ხადურის მიერ ფართო საზოგადოებრივი მკითხველის და პოეზიაში გარკვეული ადამიანების მიერ გამოხატული შენიშვნების და სურვილების მოსმენის, გაანალიზების და გათვალისწინების უნარი. ამ მხრივ სახეზეა ნათიას თანდათანობითი პოეტური სრულყოფა მხატვრული გამოხატვის მიმართულებით, თორემ აზრი და ჩანაფიქრი მისი დიდი ხნის უპირატესობაა. წარმატებას ვუსურვებ შედარებით ახალბედა ავტორს. ვფიქრობ, პოეზიის მოყვარული მკითხველი კმაყოფილი დარჩება თვითმყოფადი პოეტ - პროზაიკოსის ახალი წიგნით." - იაგო ვალიშვილი