რომანი მოგვითხრობს ნამდვილი ურთიერთობის ძალასა და მნიშვნელობაზე ადამიანთა ცხოვრებაში. ის დაუფარავად ამბობს იმ მანკიერებებზე, რომელთა გავლენისას ადამიანის ცხოვრება ტრაგიზმამდეც კი მიდის... იერუსალიმამდე გვიამბობს გძნობებზე, ხასიათზე, გამოვლინებებზე. აღწერილია რამდენიმე პიროვნების სულიერი და მატერიალურ - ფიზიკური აღზევების და დაცემის რეალურთან მიახლოებული ისტორია. რომანის პერიპეტიები, საქართველოდან დაწყებული, რამდენიმე ქვეყანაში ვითარდება. ასეთია ჩვენი სამშობლოს დღევანდელი ყოფა და იგი განუხრელად მოიცავს მოსახლეობის ყველა ასაკობრივ და სოციალურ ფენას. პერსონაჟებს შორის დრამატიზმამდე მიყვანილი ურთიერთობების გარდა, კარგადაა წარმოჩენილი თავის თავთან დარჩენილი უაღრესად განსწავლული ადამიანის ფიქრები, მის მიერ გავლილი და გასავლელი გზების გასაყარზე წარმოქმნილი მოვლენების ღრმა ანალიზი. განსაკუთრებით თვალშისაცემია ისეთი ცხოვრებისეულ - ფილოსოფიური ცნებების ღვთიური და მატერიალურად დასაბუთებული განხილვა, როგორებიცაა - მატერია, სული, სიყვარული, მონატრება, მიტოვება, პატიება, დაბრუნება და ა.შ. მრავალი ბრძენის და ფილოსოფოსის განმარტება წამიკითხავს ცხოვრების მანძილზე, მაგრამ არცერთს არ აქვს ჭეშმარიტად ზუსტად ჩამოყალიბებული აზრი და მოსაზრება შესაბამის ცნებებზე. ამ მხრივ, ძალიან საინტერესოდ და მომხიბვლელადაც კი მეჩვენა ნათია ხადურის ყველაზე გამორჩეული პერსონაჟის ნააზრევი განსახილველ მოვლენებზე. - აკადემიკოსი იაგო ვალიშვილი