ემანუელე ტრევი - თანამედროვე იტალიელი მწერალი და ლიტერატურული კრიტიკოსია. წერს რომანებსა და ესეებს, მიჰყავს ლიტერატურული გადაცემები რადიოში და აქვეყნებს სტატიებს ლიტერატურულ ჟურნალებში. მიღებული აქვს მრავალი ლიტერატურული პრემია: სანდრო ონოფრი, ნაპოლი (2010), მარკო პოლო ვენეცია (ფრანგულ ენაზე ნათარგმნი საუკეთესო იტალიური რომანისთვის, 2018), ვიარეჯო, ილ პიანეტა აძურო, სტრეგა (2021). ნაწარმოებისთვის "რაღაც ნაწერი", მიიღო ევროკავშირის ლიტერატურული პრემია 2012 წელს. იგი მოგვითხრობს პიერ პაოლო პაზოლინის ბოლო რომანის "ნავთობის" და ფილმის "სალო ანუ სოდომის 120 დღე" შესახებ, გვიხატავს ლაურა ბეტის, მსახიობის და მომღერლის, ხოლო შემდეგ პაზოლინის ფონდის გამკარგავის პორტრეტს. წიგნი სავსეა პროვოკაციებით, მოგონებებით, ნოსტალგიით, თვითირონიით, ინიციაციებით მისტიურთან, მარადიულ საიდუმლოებებთან...