„ყვითელი სახლის ბინადრები“ საბავშო ლიტერატურული ნაწარმოებია. მისი მთავარი გმირები ქალაქში ყველაზე ცელქი, დაუმორჩილებელი, სასწაულებისა და „ჯადოქრობების“ ნიჭით დაჯილდოვებული ტყუპები ბუშტუკა-ბუსუსა არიან. მათი ქცევებსა და ოინებს უყურადღებოდ ვერავინ ტოვებს. ისინი თავის სამეგობროსთან ერთად სასწაულებს ჩადიან, რას არ იფიქრებენ. იშვიათი უნარებისა და ენის პატარა ტყუპუჩები საერთო ენას ნახულობენ და მეგობრობენ ყველასთან - თანატოლებთან , დიდებთან, ცხოველებთან. სტუმრობენ სხვებისთვის მიუწვდომელ ცის მობინადრეებს, სამოგზაუროდ მიჰყვებიან დელფინებს წყალქვეშს, გუნდაობენ მთვარესთან და კიდევ რომელი ერთი ჩამოვთვალო... სამყაროს მანათობელი, მზე მათი მესაიდუმლე და ურთგულესი მეგობარი ხდება და მისი და კეთილი, მშრომელი, კაცთმოყვარე ფუტკრების დახმარებით ფაქტიურად „დატყვევებული ქალაქის“ მოსახლეობას ათავისუფლებენ და ამისთვის ჯილდოსაც იღებენ.