ჩვენმა გმირებმა გერმანიაში დასაქმებაზე სახელმწიფო სააგენტოში ონლაინ-რეგისტრაცია გაიარეს და სასურველ ზარს ელოდებიან. ისინი ცდილობენ სამი თვით მაინც გაექცნენ სიდუხჭირეს, დაგროვილ ვალებს, უიმედობას... იქ მთელი მონდომებით იმუშაონ, სამშობლოში დაბრუნდნენ და ცხოვრება ცოტა მაინც წელგამართულად გააგრძელონ. ყველა მათგანს განსხვავებული წარსული და აწმყო აქვს, მაგრამ ერთი რამ აერთიანებთ - ევროპული დასაქმების პერსპექტივა და, ასევე, დიდებული გერმანული ხელოვნება, ლიტერატურა - ორივე მკაცრ სამყაროში გადარჩენასთან, სიცოცხლის ღირსეულად გაგრძელებასთან წილნაყარია.