შერლოკ ჰოლმსი, როცა ჯერ კიდევ ბავშვი იყო და არა ცნობილი გამომძიებელი, ორ მეგობართან ერთად იძიებდა საიდუმლოებით მოცულ საქმეებს. მაშინ, როცა ამას არავინ ავალებდა, ცნობისმოყვარე და ძალზედ გონებამახვილი შერლოკი, ირენ ადლერთან და არსენ ლუპენთან ერთად, ცდილობდა სიმართლის გარკვევას. მოქმედება ლონდონში ვითარდება, წინასაშობაო დღეებში. ალისფერი ვარდი ლონდონის ცნობილ დანაშაულებრივ ბანდას უკავშირდება, რომლის შესაძლო დაბრუნებაც საზოგადოებაში პანიკასა და ისტერიას იწვევს.