ლურჯი წრეები

ფრანგი მწერალი ფრედ ვარგასი (ნამდვილი სახელით და გვარით ფრედერიკ ოდუენ-რუზო) პროფესიით არქეოლოგი, შუა საუკუნეების ისტორიის სპეციალისტი, დღესდღეობით ყველაზე პოპულარული დეტექტივების ავტორია საფრანგეთში. მის კალამს ეკუთვნის თხუთმეტამდე დეტექტივი, რომლებსაც რამდენიმე ლიტერატურული ჯილდო აქვთ მიღებული. გამომცემლობა აგორამ ქართულ ენაზე უკვე გამოსცა ფრედ ვარგასის რამდენიმე რომანი და მოთხრობების კრებული დეტექტივების სერიიდან კომისარ ადამსბერგის შესახებ: “წადი სწრაფად, დაბრუნდი გვიან” (წიგნის მაღაზიების პრემია, 2003, გადაღებულია ფილმად), “მარადიულ ტყესა შინა”, “ნეპტუნის ქარიშხლები” (დაგერის საერთაშორისო პრემია, 2007), “მაქცია” (კრიტიკოსთა მიერ გაცემული დეტექტივის პრემია, 2004), “მოღელავს სენა”. ამავე სერიას ეკუთვნის “ლურჯი წრეები”, რომელიც მკითხველს კიდევ ერთხელ აღაფრთოვანებს კომისარ ადამსბერგის მიერ ჩატარებული გამოძიებით.