თანამედროვე რუსი მწერალი, მარია მეტლიცკაია ოცდაათამდე წიგნის ავტორია. მისმა ნაწარმოებებმა გამოქვეყნებისთანავე დაიმსახურეს ათასობით მკითხველის სიყვარული. მარია მეტლიცკაიას წიგნების პერსონაჟები ჩვეულებრივი, უბრალო, ადამიანები არიან, რომლთა ბედისწერა და ყოველდღიური ყოფა ხშირად იმდენად ჰგავს მკითხველის ცხოვრებას, რომ ძნელი არაა მის რომელიმე გმირში საკუთარი თავი ამოიცნო. რომანი „დედამთილის დღიური“ 2012 წელს გამოიცა და მან ავტორს ნამდვილი აღიარება მოუტანა. მსუბუქი იუმორის და წერის განსაკუთრებული სტილის წყალობით წიგნი მალე გახდა პოპულარული სხვადასხვა თაობის ადამიანებში.