წინათქმა
დარწმუნებული ვიყავი, რომ თავად გამოვიგონე ამ პიესის გმირების გვარი - გერლახი. თურმე შევმცდარვარ: რემინისცენცია საკუთარ გამონაგონად მიმიჩნევია. ვწუხვარ ჩემს შეცდომას, მით უფრო, რომ ეს გვარი ნაციონალ-სოციალიზმის ერთ-ერთ ყველაზე მამაცსა და ცნობილ მოწინააღმდეგეს ეკუთვნის.
ჰელმუტ ფონ გერლახმა თავისი ცხოვრება მიუძღვნა საფრანგეთ-გერმანიის დაახლოებისა და მშვიდობისთვის ბრძოლას. იგი პირველია 1933 წელს სამშობლოდან განდევნილ გერმანელთა შორის; ფაშისტებმა ყადაღა დაადეს მისი და მისი ნათესავების ქონებას. უკანასკნელი ძალები გერლახმა ლტოლვილ თანამემამულეთა შემწეობას მოახმარა და, რამდენადაც ჩემთვის ცნობილია, გადასახლებიდან ორი წლის შემდეგ გარდაიცვალა.
ჩემი პერსონაჟების გვარის შეცვლა უკვე ძალზე დაგვიანებულია. ისღა დამრჩენია, ვთხოვო გერლახის მეგობრებსა და ახლობლებს, მიიღონ ეს შენიშვნა ჩემი ბოდიშისა და სინანულის გამოხატულებად.
ჩუქება
