ფრედ ვარგასი (ნამდვილი სახელი და გვარი – ფრედერიკ ოდუენრუზო) თანამედროვე ფრანგი მწერალია, როგორც ფრანგები უწოდებენ – “დეტექტივების დედოფალი”. განათლებით არქეოზოოლოგი, შუა საუკუნეების და შავი ჭირის ისტორიის სპეციალისტი, თავისი განსწავლულობის დახმარებით ორიგინალურ და უჩვეულო თემებზე აგებულ დეტექტივებს წერს. ფრედ ვარგასი განსაკუთრებით ცნობილი გახდა კომისარ ჟან ბატისტ ადამსბერგის პერსონაჟის შექმნის შემდეგ. ადამსბერგისა და მისი გუნდის მიერ ჩატარებული გამოძიებების შესახებ უკვე რამდენიმე რომანი და ნოველა გამოიცა, მათგან არაერთი დაჯილდოვდა ლიტერატურული პრემიით.