წიგნი სათავგადასავლო ჟანრისაა და განკუთვნილია ყველა ასაკის მკითხველისთვის, მასში აღწერილი მოვლენები ვითარდება აწმყოსა და მომავალში, დედამიწაზე და კოსმოსში. ნაწარმოებში დეტექტივისა და ფანტასტიკის ხერხების გამოყენებით მოთხრობილია კრიმინალების მიერ გატაცებული და კოსმოსურ ხომალდზე ხანგრძლივი დროით დატყვევებული პოლიციის ოფიცერის ია იაშვილის უჩვეულო თავგადასავალის შესახებ. ტყვეობაში ყოფნისას ქალისათვის ცნობილი გახდება გასაიდუმლოებული ინფორმაცია, იგი სამშობლოში დაბრუნებას მოახერხებს და დამნაშავეების მხილებას შეეცდება. ამ მიზნით იაშვილი მიმართავს დაზვერვის სახელმწიფო დეპარტამენტს, დაიწყება გამოძიება, რომელიც დეპარტამენტის დირექტორის მოადგილის დავით დავითინიძის ხელმძღვანელობით წარიმართება.