„ვირტუალური მელანქოლია“ ავტორის მიერ 15 წლის ასაკში დაწერილი ფსიქოლოგიური დრამაა. წიგნის მთავარი პერსონაჟი 14 წლის ლონდონელი გოგონა, თოლი მარშმალოუა, რომელსაც უეცრად თავსდამტყდარ მრავალ ცხოვრებისეულ სირთულესთან უწევს ჭიდილი. ოჯახური უთანხმოებები, საკუთარ თავთან გაუცხოება, მუდმივი განსაცდელი, დანაშაულის გრძნობა მას პრობლემებისგან თავის დაღწევის განსხვავებული გზებისკენ უბიძგებს, რაც თოლის თავგადასავლებს კიდევ უფრო სასოწარმკვეთს, მრავალფეროვანსა და აღმაშფოთებელს ხდის. გოგონას ცხოვრებაში ერთადერთი ნათელი წერტილი მისი დისშვილი, ჯერ კიდევ ჩვილი ჩარლია, რომელიც მთელი სიუჟეტის განმავლობაში თოლის დაბრკოლებების გადასალახ ძალას ჰმატებს. წიგნში მოქმედება XXI საუკუნის ბრიტანეთში ვითარდება.