ცოდივსფერი დემონები მეტაფორული ტიპის რომანია, რომელიც თავისი სიუჟეტით გადმოსცემს ისტორიას, თუ როგორ დაიპყრეს სულიერად დასუსტებული ბიჭის სული დემონებმა და ამ ყველაფრით ეკლესიის ავბედით მხარეებს ამხელს. სიუჟეტის მიმდინარეობა საკმაოდ დინამიურია. ყველაფერი იწყება იქიდან, რომ მთავარი პერსონაჟის, ალექს მიულერის, ბიძაშვილი იკარგება. არავინ იცის მისი გზა-კვალი, ის თუ სად გაქრა გოგონა. თავიდან ვერავინ ხვდება თუ რამხელა ძალასთან მოუწევთ ჭიდილი, თუმცა ნელ-ნელა ფარდა ეხდება უზარმაზარ საიდუმლოს, ამაში კი მიულერის ოჯახს ერთ- ერთი მთავარი აქტორი, ბრიტანელი გამომძიებელი ბენჯამინ სმითი ეხმარება, რომელიც დაჟინებით ირწმუნება, რომ საქმე რაღაც ძალიან ბნელ ძალასთან აქვთ.