წიგნი ინგლისურიდან თარგმნა ნინო კაციტაძემ. ინგლისელი მწერალი გილბერტ კით ჩესტერტონი (1874-1936) ასეულობით ლექსის, მოთხრობისა და ესეის ავტორია, თუმცა საყოველთაო პოპულარობა მამა ბრაუნზე დაწერილმა დეტექტიური მოთხრობების ციკლმა მოუტანა, რომელსაც 24 წლის განმავლობაში აქვეყნებდა. წიგნი პირველად 1935 წელს გამოქვეყნდა და ჩესტერტონის დეტექტიური მოთხრობების ციკლის ბოლო კრებულს წარმოადგენს. მამა ბრაუნი გარეგნულად არაფრით წააგავს თავის სახელგანთქმულ „კოლეგებს“ – შერლოკ ჰოლმსსა თუ ერკიულ პუაროს. იგი ჩია, პროვინციელი კათოლიკე მღვდელია, არც რაიმე სისტემა გააჩნია ჩახლართული დანაშაულების გასახსნელად. ბოროტმოქმედების მხილება მისი ჰობია, რადგან „სიმართლე ჯერაც ნახევარი საათით ჩამორჩება ცილისწამებას“. ამ საქმიანობაში მისი მთავარი იარაღი ადამიანის სულის სიღრმეში ჩამალული ვნებებისა ცოდნაა...