წინამდებარე ნაშრომში ქართული ხალხური ზღაპრები სურათ-ხატოვანი სიმბოლიკის თვალსაზრისითაა განხილული. დღეისთვის ზღაპრები ყველაზე კარგად ბავშვებს ესმით, რადგან მათი ცნობიერება ისეთივე ხატოვანია, როგორიც კაცობრიობას განვითარების იმ ეტაპზე ჰქონდა, როცა ზღაპრები იქმნებოდა და ისინი ნათლად გადმოსცემდნენ რეალობას. მართალია, სურათ-ხატოვანი სიმბოლიკა მსოფლიოს ყველა ხალხისთვის თითქმის ერთი და იგივეა, მაგრამ ამავე დროს, ყველა ერს თავისი წინარე ისტორიიდან გამომდინარე, ბევრი თავისებურებაც გააჩნია. გამოკვლევებში ქართული ზღაპრების ეს თავისებურებებიც მეტ-ნაკლებად გათვალისწინებულია. წიგნი მკითხველთა ფართო წრისთვისაა განკუთვნილი.