წიგნი ინგლისურიდან თარგმნა ელგუჯა მაღრაძემ. ეს არის მოთხრობა, რომლის სათაურიდანვე ვიგებთ, რომ საქმე საიდუმლოებით მოცულ ამბავთან გვაქვს და ასეც არის: ართურ კონან დოილი ამჯერადაც დანაშაულის, მისი გამოძიებისა და საქმის გახსნის მეტად საინტერესო ამბავს გვიყვება. შემთხვევის ადგილი: ჰერდფორშირის სოფლის დასახლება – ბასკომის ველი; მოქმედი პირები: იქაურობის ყველაზე დიდი მემამულე მისტერ ჯონ ტერნერი, მისი მეგობარი მისტერ ჩარლზ მაკართი და მათი შვილები; დანაშაული: მკვლელობა; მსხვერპლი: ჩარლზ მაკართი. მკვლელი ნაპოვნია, თუმცა შერლოკ ჰოლმსისთვის კითხვები: – ვინ არის მკვლელი? რა არის მკვლელობის მოტივი? – აქტუალური და პასუხგაუცემელია. მაგრამ როდესაც საქმეში შერლოკ ჰოლმსი ერთვება, ყველაზე დიდი საიდუმლოც კი გამჟღავნებისთვის არის „განწირული“.