"წიგნში მონათხრობის დიდი ნაწილი ჩემი რეალური ცხოვრებიდან არის გადმოტანილი, ნაწილი უცვლელი, ნაწილი შელამაზებული და უმეტესი ნაწილიც, რა თქმა უნდა, შეთხზული. ვეცადე, ძალიან ბუნებრივად და მსუბუქად გადმომეცა ის, რასაც წაიკითხავთ, მაგრამ ამავდროულად ვცდილობდი, არ ყოფილიყო სიყვარულის უბრალო ამბავი, რომლის წაკითხვის შემდეგაც არაფრის განცდა არ რჩება და არაფერზე გაფიქრებს მკითხველს. ამიტომ, ალბათ ბევრისთვის ცოტა სევდიანიც იქნება ეს წიგნი. რა თქმა უნდა, ბედნიერებაა კარგი დასასრული, მაგრამ როდესაც რამის გადმოცემა გსურს, ცდილობ, დაანახო ვინმეს და აგრძნობინო ფაქტებით, თუ რა შეიძლება, მოჰყვეს ამა თუ იმ საქციელს, უნდა უჩვენო ისეთი დასასრული, რომ საკუთარ ცხოვრებასთან გაიგივებისას იგრძნოს შიში, შეადაროს და ჰქონდეს არჩევანი. მე კი ვფიქრობ, რომ ყველაზე სწორი არჩევანი უანგარო სიყვარულია, რაც დღეს, სამწუხაროდ, იყიდება." - ავტორი.