ფრანც კაფკას ,,პროცესის’’ მსგავსად, ამ ამბის მთხრობელსაც, ისევე როგორც იოზეფ კ-ს, მოულოდნელად აპატიმრებენ, თუმცა მისგან განსხვავებით, ამ შემთხვევაში, ბრალდება ყველასთვის ცნობილია. მთხრობელმა კარგად იცის, რომ სრულიად უდანაშაულოა და მშვიდად ცდილობს ყველაფრის ახსნას. დროთა განმავლობაში კი ეჭვი იპყრობს და საკუთარ უდანაშაულობაში დარწმუნებული აღარაა. მისი შინაგანი განცდებისა და აზრების პარალელურად, ვხედავთ როგორ მიდიან სასამართლომდე ნაფიცი მსაჯულები. შეიძლება ასეც ითქვას - ამბავი იმაზე, რომ შეუძლებელია სიმართლე იცოდე.