შვიდი პიესა, რომელიც ირაკლი სამსონაძემ ერთ წიგნად გააერთიანა და „კომედიიდან ტრაგედიამდე აბსურდის ბილეთით“ დაასათაურა, ავტორის ჟანრობრივ ძიებებზეც მიგვანიშნებს და იმ ტენდენციებზეც, რაც პოსტმოდერნული ეპოქისთვისაა დამახასიათებელი. პიესების ეს კრებული მარადისობის პრიზმიდან გვესაუბრება ჩვენი თანამედროვეობის ტრაგიკომიკურ, ხშირ შემთხვევაში აბსურდულ სინამდვილეზე.