თურმე შესაძლებელია, რომ ასი წლის სიყვარულის ისტორია ოც გვერდზე დაეტიოს, ამიტომაც ვუწოდე ამ მოთხრობას მინი რომანი. საჩინოს და ცისნამის ერთმანეთი ერთი ნახვით კი არ შეუყვარდათ, როგორც ზოგიერთებს გონიათ, არამედ ერთმანეთის პირველი დანახვისთანავე იგრნეს, რომ მათ ერთმანეთი საუკუნეა, რაც რომ უყვართ. ამიტომ არ აქვს მნიშვნელობა, თუ სად შეხვდებოდნენ ისინი ერთმანეთს: მატარებელში, ქუჩაში, კონცერტზე, სასწავლებელში, ექსკურსიაზე და სხვა. ასეთი რამ ცხოვრებაში ერთხელ ხდება. ღმერთი ერთხელ შეგახვედრებს შენს ასწლოვან სიყვარულს, ამიტომ ამ დროს არ უნდა დაიბნე და არ უნდა დაკარგო ღვთის მიერ ბოძებული ეს უდიდესი საჩუქარი. საჩინოს და ცისნამის კიდევ ძალიან გაუმართლათ...