თანამედროვე ამერიკელი პოეტი, პერფორმერი და მთარგმნელი, აქტიურად მონაწილეობს საერთაშორისო პოეტურ ფესტივალებსა და მთარგმნელობით ვორქშოპებში. გამოცემული აქვს ორი პოეტური კრებული: „ხვალ ჩვენ უნდა ვიცხოვროთ აქ“ (Salt, 2010) და „მშვენიერი სიბნელე“ (Penned in the Margins, 2015), რომელიც Saltire Society-ის მიერ წლის საუკეთესო პოეტურ კრებულად დასახელდა. მისი ტექსტები შესულია 2010 წლის თანამედროვე პოეტთა ოქსფორდის ანთოლოგიაში. პუბლიკაციები: The American Poetry Review, The Guardian, Poetry Scotland, AGNI და სხვა. მიღებული აქვს არაერთი ლიტერატურული პრემია. ავტორია პოეტური პერფორმანსის: „წითელი, როგორც ჩვენი საძინებელი“, რომელიც „გარდიანმა“ შეაფასა, როგორ „ინტიმური და შთამბეჭდავი“. მისი ტექსტები თარგმნილია ქართულ, სერბიულ, ბულგარულ, ლატვიურ, ფრანგულ, თურქულ, არაბულ, გერმანულ, რუსულ და სხვა ენებზე. ცხოვრობს ედინბურგში. პერსონალური გვერდი: www.ryanvanwinkle.com