ნაშრომში განხილულია საქართველოში ძალზე პოპულარული თქმულება ამირანის შესახებ. იგი ძირითადად სურათ-ხატოვანი თვალსაზრისითაა წარმოდგენილი. წინამდებარე ნაშრომში განხილულია ამირანის თქმულების ის ფრაგმენტები, რომლებიც მეტ-ნაკლებად ორგანულად უკავშირდებიან თქმულების ძირითად შინაარსს. ეს ფრაგმენტები საქართველოს სხვადასხვა კუთხეში ჩაწერილი ტექსტებიდანაა ამოკრებილი. თქმულების შინაარსის გადმოცემისას მაქსიმალურადაა შენარჩუნებული იმ ფოლკლორული მასალის სტილი, რომელის მოპოვებაც მთხრობელთაგან მოხდა. ამიტომაც თხრობაში ზოგჯერ სხვადასხვა დიალექტი ვლინდება. ყურადღება გამახვილებულია იმ მითოსურ სურათ-ხატებ­ზე, რომლებითაც ძალზე მრავალფეროვანია ამირანთან დაკავ­შირებული თქმულებები.