წინასიტყვაობა
ვანი ბიანკონი დაიბადა 1977 წლის 7 იანვარს ლოკარნოში (შვეიცარია). მიღებული აქვს მილანის უნივერსიტეტის საგამომცემლო საქმიანობის მაგისტრის ხარისხი. ამჟამად ცხოვრობს ლონდონში.
ვანი ბიანკონის ლექსები თარგმნილია ათზე მეტ ენაზე. მისი კრებულები დაჯილდოებულია სხვადასხვა პრემიით (მაგალითად, შილერის პრემია 2009 წელს, თავისუფლების ევროპელი პოეტის ჯილდო 2016 წელს და სხვანი). გარდა ამისა, ბიანკონი ეწევა აქტიურ მთარგმნელობით საქმიანობას. პროზაული ნაწარმოებებიდან აღსანიშნავია მისი ინგლისურენოვანი წიგნი „ინგლისური, როგორც მეორე ენა“.
გარდა ლიტერატურული საქმიანობისა, ვანი ბიანკონი აქტიურად მონაწილეობს საერთაშორისო საგამომცემლო ბიზნესში. იგი გახლავთ ლიტერატურისა და თარგმანის საერთაშორისო ფესტივალის Babel დამფუძნებელი და ლიტერატურული ინტერნეტპლატფორმის Specimen. The Babel Review of Translations დამფუძნებელი და ხელმძღვანელი (www.specimen.press).