„თუ ოდესმე გიოცნებია, რომ ამ ჭკუით უფრო ახალგაზრდა იყო, მაშინ ეს წიგნი შენზეა; თუ ოდესმე გყვარებია, მაშინ ეს წიგნი შენზეა; თუ ოდესმე გტკენია, მაშინაც შენზეა ეს წიგნი. მოკლედ, მხოლოდ შენზე დავწერე.“ „ათი გაჩერების“ მოქმედება ორ დროში ხდება. რომანი გვიამბობს, როგორ ცხოვრობდნენ და რას განიცდიდნენ ადამიანები ბნელ, გაყინულ ქალაქში, სადაც პატარა გოგონები უფერულდებოდნენ, პატარა ბიჭები ქრებოდნენ, უფროსებს კი ცხოვრების ეშინოდათ.