ჰაქან გიუნდაი 1976 წელს როდოსზე დაიბადა. გაიზარდა ბრიუსელში, სადაც მისი მამა დიპლომატად მუშაობდა. ცხოვრობს სტამბოლში. დაამთავრა ანკარას უნივერსიტეტის ლიტერატურის ფაკულტეტი, ბრიუსელის თავისუფალი უნივერსიტეტი და შემდეგ ანკარის უნივერსიტეტის პოლიტიკურ მეცნიერებათა ფაკულტეტი. ჰაქან გიუნდაი რვა რომანის ავტორია. მის რომანს „დასაბამიდან დასასრულამდე“ 2011 წლის საუკეთესო თურქული რომანის პრემია მიენიჭა. იგი სამი წლის წინ გამოიცა ქართულ ენაზე. 2015 წელს ჰაქან გიუნდაის რომანს „კიდევ“, რომელიც ქართულ ენაზე შარშან გამოიცა, საფრანგეთში მიენიჭა მედიჩის პრემია როგორც წლის საუკეთესო უცხოურ რომანს. მწერლის განსაკუთრებული რომანია „მალაფა“, რომელშიც თავისებურად განიხილავს აღმოსავლეთისა და დასავლეთის ურთიერთობას... 2014 წელს გამოიცა მისი რომანი „ზიანი“, რომელსაც მიენიჭა საფრანგეთ-თურქეთის პრემია.