გაზაფხული მერცხლები შორით მოფრინდნენ
და გაზაფხული გვახარეს,
ხეებმაც ნიშნის მოგებით
რტოები დაბლა დახარეს.
იამ ლურჯად ამოფეთქა
მოეფინა კორდებს ნაზად,
დილის ცვარი აკიაფდა
ხის ყლორტებზე ფიანდაზად.
და ბუტკოებს მტვერავს სიო
ლაჟვარდს ერწყმის შაშვის სტვენა
ტირიფიც კი აშრიალდა
ამოიდგა თითქოს ენა.
მზემ სხივები გადმოსტყორცნა
და გაათბო მთა და მდელო,
მრავალ ამ დღეს დაესწარი
დღეგრძელიყავ საქართველო,
1998