შემოსვლა და გასვლა მოქმედი პირები:
ფლო
ვაი
რუ
(ასაკი განუსაზღვრელია)
ერთმანეთის გვერდით სხედან; თუ ზურგიდან შევხედავთ, მარჯვნიდან მარცხნივ ასეთი თანმიმდევრობაა: ფლო, ვაი და რუ. წელგამართულები, წინ იყურებიან, ხელებით მუხლებზე.
დუმილი.
ვაი. როდის შევიკრიბეთ უკანსკნელად სამივენი?
რუ. მოდი, ნუ ვისაუბრებთ.
(დუმილი. ვაი მარჯვნივ გადის. დუმილი)
ფლო. რუ.
რუ. დიახ.
ფლო. ვაი-ზე რას იტყვი?
რუ. ოდნავ თუ შეიცვალა. (ფლო ცენტრისკენ ინაცვლებს, ყურში უჩურჩულებს რუ-ს. შეძრულები) ოჰ! (ერთმანეთს უმზერენ. ფლო ტუჩზე მიიდებს თითს) ვერ ხვდება?
ფლო. ღმერთმა ნუ ქნას.
(შემოდის ვაი. ფლო და რუ იგივე პოზაში. ვაი მარჯვნივ ჯდება. დუმილი) ვისხდეთ ასე, როგორც მივეჩვიეთ, როგორც მისის ვეიდის სათამაშო მოედანზე.
რუ. მორზე. (დუმილი. ფლო გადის მარცხნივ. დუმილი) ვაი.
ვაი. დიახ.
რუ. ფლო-ზე რას იტყვი?
ვაი. თითქმის არ შეცვლილა. (რუ ცენტრისკენ ინაცვლებს. ყურში უჩურჩულებს ვაი-ს. შეძრულები) ოჰ! (ერთმანეთს უმზერენ. რუ ტუჩზე მიიდებს თითს) მისთვის არ უთქვამთ?
რუ. ღმერთმა დაგვიფაროს. (შემოდის ფლო. რუ და ვაი იგივე პოზაში. ფლო მარცხნივ ჯდება) ხელი ხელს ჩავკიდოთ... ასე.
ფლო. ოცნებით... სიყვარულზე.
(დუმილი. რუ გადის მარჯვნივ. დუმილი)
ვაი. ფლო.
ფლო. დიახ.
ვაი. რას იტყვი, როგორ გამოიყურება რუ?
ფლო. ასეთ განათებაში რთულია დაინახო. (ვაი ცენტრისკენ ინაცვლებს. ყურში უჩურჩულებს ფლო-ს. შეძრულები) ოჰ! (ერთმანეთს უმზერენ. ვაი ტუჩზე მიიდებს თითს) ნუთუ არ იცის?
ვაი. ღმერთმა ნუ ქნას. (შემოდის რუ. ვაი და ფლო იგივე პოზაში. რუ მარჯვნივ ჯდება. დუმილი) ნუთუ არ შეგვიძლია წარსულზე ლაპარაკი? (დუმილი) ან შემდეგ რა იყო? (დუმილი) ძველებურად უნდა გვქონდეს ხელები ჩაკიდებული?
(წამის შემდეგ ხელებს ჩაკიდებენ ერთმანეთს ასე: ვაი თავის მარჯვენა ხელს რუ-ს მარჯვენას; ვაი თავის მარცხენა ხელს ფლო-ს მარცხენას; ფლო თავის მარჯვენა ხელს რუ-ს მარცხენას; ვაი-ს მკლავები რუ-ს მარცხენა და ფლო-ს მარჯვენა ხელს ზემოდანაა. სამი წყვილი გადაჯაჭვული ხელი სამ მუხლზე დევს. დუმილი)
ფლო. ბეჭდებს ვგრძნობ.
(დუმილი)
ფარდა
თანმიმდევრული პოზიციები
1 ფლო ვაი რუ
2 ფლო რუ
ფლო რუ
3 ვაი ფლო რუ
4 ვაი რუ
ვაი რუ
5 ვაი რუ ფლო
6 ვაი ფლო
ვაი ფლო
7 რუ ვაი ფლო
ხელები
[Name]
განათება
რბილი, ზემოდან და მოქმედების არეალზე ფოკუსირებული. სცენის დანარჩენი ნაწილი იმდენად ბნელი, რამდენადაც შესაძლებელია.
კოსტიუმები
გრძელი სამოსი, ბოლომდე ღილებით შეკრული, მკრთალი იისფერი (რუ), მკრთალი წითელი (ვაი), მკრთალი ყვითელი (ფლო). ღია ყავისფერი შლაპები საკმარისი ფარფლით იმისათვის, რომ სახეები დაჩრდილოს. გარდა სხვაობისა ფერებში სამივე ფიგურა მაქსიმალურად ჰგავს ერთმანეთს. მსუბუქი, რეზინისძირიანი ფეხსაცმელი. ხელები მაქსიმალურად ხილული. ბეჭდები არ ჩანს.
დასაჯდომი
ვიწრო, მერხის მსგავსი ჩამოსაჯდომი, ზურგის გარეშე, სიგრძით საკმარისი, რომ სამი ადამიანი დაიტიოს, ისე, რომ თითქმის ეხებოდნენ ერთმანეთს. მინიმალურად ხილვადი. არ უნდა იყოს ცხადი, რაზე სხედან.
გასვლა
არ ჩანს, როგორ გადიან ფიგურები სცენიდან. გაუჩინარება უნდა ხდებოდეს განათებული არედან რამდენიმე ნაბიჯის დაშორებით. თუ საკმარისი სიბნელის მიღწევა ვერ ხერხდება, ისე უნდა გაკეთდეს, რომ ფარდა მინიმალურად იყოს შესამჩნევი. შემოსვლა და გასვლა ნელი, ფეხის ხმის გარეშე.
„ ოჰ “ -ები
სამი სრულიად განსხვავებული ხმა.
ჩუქება
