მონოგრაფიაში შესწავლილია ქალი ავტორის ლიტერატურათმცოდნეობითი დისკურსი: ქალი ავტორი ისტორიულ და თანამედროვე ეპოქებში, გენდერულად მარკირებული ლიტერატურისა და ლიტერატურის თეორიის საკითხები, გაანალიზებულია ქალი ავტორის კულტუროლოგიური ფენომენის არსი, გენდერული ლინგვისტიკის ძირითადი ასპექტები, ქალის მხატვრული ენის თავისებურებები. წიგნში სათანადო ადგილი ეთმობა ქალის როლს, მის ადგილს ფოლკლორში; ქალი ავტორის საკითხი და პრობლემა განხილულია ევროპული, აღმოსავლური (ისლამური) და ქართული ლიტერატურების მაგალითზე. ქალი ავტორის საკითხი, გენდერულად მარკირებული ლიტერატურის ადგილი და როლი ქართულ ლიტერატურაში სრულიად შეუსწავლელია. საკითხის მრავალმხრივობა, ასევე ქართულ ლიტერატურულ სივრცეში არსებული როგორც ისტორიული, ისე თანამედროვე პროცესები და ტენდენციები აშკარად მოწმობს, რომ პრობლემა მრავალმხრივი კვლევის წყარო უნდა გახდეს. გამოკვლევას ერთვის წიგნის ავტორის საუბრები ქართველ და უცხოელ ქალ ავტორებთან.