წინასიტყვაობა "თუ ზოგიერთ ლექსს მუსიკას მივაკუთვნებთ, რატომ არ შეიძლება, პოეზიას მივაკუთვნოთ?"
ნოვალისი
წიგნის იდეა ეფუძნება ლიტერატურისა და პოეზიის ამოცანებისა და საკითხების შესახებ დისკუსიას, იმ შესაძლებლობებისა და განსაკუთრებულობის ჩვენებას, რის წინაშეც დგას თანამედროვე ავტორი. წიგნში განხილულია ინტერკულტურული და მულტიფუნქციური ლიტერატურის უახლესი ტენდენციები, ენის ფილოსოფიის, სოციოკულტურული და პოეტოლოგიური თემები.
თანამედროვე პოეტური ენა ახალ და განახლებულ ლიტერატურულ, პოეტოლოგიურ და კულტუროლოგიურ ტენდენციებს ქმნის. ამ უძველესი ჟანრის ახალი შესაძლებლობები სხვადასხვა ექსპერიმენტის, ნორმისა და ანტინორმის დახმარებით ტირაჟირდება.
წიგნში ლიტერატურათმცოდნეობითი და ესეისტური მეთოდების გამოყენებით წარმოდგენილია ლიტერატურის თეორიის, ცალკეული ავტორების პოეტოლოგიური ტენდენციებისა და ტექნიკების შესახებ მსჯელობა და ანალიზი.
როგორი ფორმა აქვს ტექნოლოგიებისა და ახალი მედიის განვითარების შემდეგ ლიტერატურულ და პოეტურ კომუნიკაციას? დაკარგა თუ არა მან თავისი როლი, თუ პირიქით, შეიძლება ვიგულისხმოთ, რომ მიუხედავად ტექნოლოგიების უსწრაფესი განვითარებისა, პოეზიამ შეძლო თავისი ადგილი ეპოვა ამ, უკიდურესად შემჭიდროებულ სივრცეში? ეს საკითხები წიგნში სხვადასხვა ავტორის ტექსტების მაგალითზე განიხილება. დანართში წარმოდგენილია ლიტერატურული დიალოგები გერმანელ პოეტთან და ლიტერატორთან, გერტ რობერტ გრიუნერტთან და ქართველ პოეტთან და სემიოტიკის მკვლევართან, ცირა ბარბაქაძესთან.
ჩუქება
