„თვალსაწიერი“ - ასე ჰქვია თამაზ ჩხენკელის მიერ თარგმნილი წერილების კრებულს. წიგნში თავმოყრილია ევროპელი, რუსი და ამერიკელი მოაზროვნეების (ანთროპოლოგების, ფიზიკოსების, თეოლოგების, მწერლების) ის წერილები, რომლებსაც თამაზ ჩხენკელი 45 წლის მანძილზე თარგმნიდა და აქვეყნებდა ლიტერატურულ და მეცნიერულ პერიოდიკაში და რომლებშიც წამოჭრილი საკითხები დღესაც აქტუალურია. კრებულში შეგიძლიათ წაიკითხოთ უილიამ ჯეიმსის, ალბერტ აინშტაინის, ხორხე ლუის ბორხესის, ერვინ შროდინგერის, კარლ ჲასპერსის, მაქს ვებერის, ვერნერ ჰაიზენბერგის, ოსიპ მანდელშტამის, იუჯინ ნაიდას, ალექსეი ლოსევის, მორის ბოურას, მაქს იაკობსონის, პერ ლაგერკვისტისა და სხვათა სტატიები.