სამყაროს გაბედული ადამიანები ცვლიან, პატარა მოქმედებები, ინიციატივები, შთაგონება და ფანტაზია – აი, რას შეუძლია ადამიანები გააბედნიეროს. ლელა კოტორაშვილის სკოლა მხოლოდ ის ადგილი არაა, სადაც ცხრილის რუტინაში მოქცეული ბავშვები სხვადასხვა საგნის სიმძიმეს მორჩილად ეზიდებიან. ლელა კოტორაშვილის სკოლა შემეცნების, თავგადასავლის, მოქმედების, თამაშის, სიყვარულის და გაბრწყინებული თვალების ადგილია. შეაბიჯეთ ამ სკოლაში, რომელიც საქართველოს მიტოვებულ მთას სულ სხვაგვარად აცოცხლებს და ქალაქსა და სოფელს შორის ერთ დიდ, ცისარტყელას ხიდს გადაჭიმავს (დიანა ანფიმიადის ბოლოსიტყვაობიდან).